Ambasada shqiptare në Izrael është rrezikuar nga një sulm me raketa nga Hamasi mesditën e kësaj të shtune. Kjo bëhet e ditur nëpërmjet një postimi në Tëitter të ambasadës, ku thuhet se raketat e Hamasit sulmuan shumë pranë ndërtesës së Ambasadës Shqiptare, që fatmirësisht nuk është prekur. Në postim, Ambasada shprehet e shqetësuar për sulmet e Hamasit ndaj Izraelit, ku thekson se civilët nga të gjitha anët duhet të mbrohen dhe se kjo situatë konfliktuale mes dy vendeve, duhet të qetësohet.