Ambasada Amerikane në Tiranë u bën thirrje të gjithë qytetarëve të saj të shmangin tubimin politik i cili do të mbahet të shtunën në stadiumin Air Albania. Në njoftimin e bërë public nga Ambasada, qytetarët amerikanë këshillohen të shmangin do tubim në qytet, pasi nuk dihet se si do të jetë situata. Ajo mund të ndryshojë në mënyrë të paparashikueshme, gjë që mund të sjellë dhe incidente të ndryshme. Ambasada bën me dije se madhësia dhe kohëzgjatja e tubimit nuk dihen, gjithashtu nuk ka konfirmim nëse do të jetë paqësore apo jo. Në përfundim sugjerohet që qytetarët të ndjekin lajmet në media, duke shmangur kështu tubimin. Kuvendi Kombëtar I PD-së pritet të nisë në orën 10 të mëngjesit të së shtunës, po nuk ka një afat se ku do të përfundojë. Aktualisht dhe detajet rreth tij janë të rezervuara, madje dhe për sa I përket organizimit. Në anën tjetër përfaqësues të Policisë të Shtetit kanë njoftuar për mediat se janë marrë masat për mbarëvajtjen, në mënyrë që të shmangen incidentet. Një numër I madh efektivësh policie pritet të jenë në terren, kjo për faktin se pritet të ketë pjesëmarrje të lartë.