Një alpinist nga Kosova u rrëzua në Valbonë teksa ishte duke eksploruar zonën. Ngjarja ndodhi në vendin e quajtur “Maja e Thatë”, ndërsa dyshohet se alpinisti ka humbur jetën. Nga raportimet paraprake, policia sqaron se ai u rrëzua nga një lartësi shumë e madhe në një terren të thepisur e shkëmbor, Drejt vendit të ngjarjes shkuan forca të policisë së komisariatit Tropojë si dhe një grup i emergjencës civile. Por sipas informacioneve ndërhyrja për të nxjerrë trupin është tejet e vështirë pasi mungjnë rrugët tokësore dhe për të ndërhyrë duhen alpinistë profesionistë. Ndërkohë në Tiranë, pesë turistë nga Gjermania, kishin humbur rrugën gjatë eksplorimit në fshatin Përcëllesh, dhe si pasojë kishin mbetur të bllokuar, me automjetin e tyre, për shkak të terrenit. Menjëherë pas njoftimit, shërbimet e Komisariatit të Policisë Nr. 1, kanë organizuar punën dhe iu kanë shkuar në ndihmë turistëve. Edhe në Himarë dy vizitorë nga Guatamala u shpëtuan pasi rrezikuan jetën në det teksa ishin duke lëvizur me kanoe.