Ekipi I Donald Trump njoftoi se po përgatit një padi federale në Nevada me qëllimin sic tha, të ndalojë numërimin e votave “ të parregullta” . kampi I presidentit pretendon se ka prova që persona të vdekur dhe jorezidentë rezultojnë të kenë hedhur votën e tyre në zgjedhjet presidenciale. “ Po I kërkojmë gjykatësve të verifikojnë parregullsitë e të ndalojnë numërimin e votave të kontestuara”, tha ish prokurori I përgjithshëm I Nevadës, Adam Laxalt, I cili njoftoi hapat për aktpadinë. Ndërkohë, një gjyqtare në Miçigan hodhi poshtë një kërkesë të fushatës së Trump për ndërprerjen e numërimit të votave në këtë shtet. Gjykatësja Cynthia Stephen tha se ka probleme me kohën kur u bë kërkesa. Seanca dëgjimore për këtë rast, erdhi atëherë kur pothuajse të gjitha fletëvotimet në Miçigan ishin. Në këtë shtet, kandidati demokrat për president, Joe Biden ka epërsi prej rreth 150,000 votash. Fushata e Trumpit ka dorëzuar padi të ngjashme edhe në gjykatat në Pensilvani, Xhorxhia dhe Nevada dhe ka paralajmëruar se rasti mund të dërgohet edhe në Gjykatën Supreme. Paditë, sipas saj, kanë për qëllim të sigurohet se vetëm votat e ligjshme do të numërohen.