Presidenti serb, Aleksandët Vuçiç në një intervistë për mediat lokale u ndal tek sulmi në ambasadën izraelite, për të cilin tha se nuk do të ketë mëshirë ndaj terroristin. “Kemi mësuar se BIA dhe policia po punojnë fort sipas urdhrit të Prokurorisë. Ky ishte një sulm i planifikuar, nisur nga saktësia me të cilin Salahudini goditi policin serb në ambasadën izraelite në Beograd. Vërtet, polici i plagosur meriton admirim. Veproi sipas rregullave të shërbimit, eliminoi kundërshtarin e tij, më pas priti ndihmë. Ruajti veten familjen dhe vendin e tij. Duhet të keni parasysh se Serbia është një nga vendet më të sigurta në botë, Beogradi është një nga qytetet më të sigurta, unë jam krenar për këtë. Ne nuk do të kemi mëshirë ndaj terroristëve dhe terrorizmit, qytetarët mund të jenë të qetë, Serbia është mjaft e fortë për t'u përballur me të gjitha format e terrorizmit.”- u shpreh presidenti serb Aleksandër Vuçiç.