Aktivisti bjellorus, Vital Shyshou është gjetur i varur në një park të Kievit, shumë afër vendbanimit të tij. Ndërkohë policia ka nisur hetimet pasi ka dyshime që bëhet fjalë për një vrasje. "Qytetari bjellorus Vital Shyshou, i zhdukur në Kiev, u gjet i varur në një nga parqet e Kievit, jo shumë larg vendbanimit të tij", thuhej në deklaratën e policisë. Policia tha se do të hetonte të gjitha mundësitë, përfshirë edhe dyshimet për vrasje të maskuar si një vetëvrasje. Pak kohë më parë aktivisti ishte raportuar si i zhdukur. Vital Shyshou është I njohur për ndihëmën që I ka dhënë qytetarëve bjellorus për tu larguar nga persekutimi i regjimit të Alyaksandr Lukashenkas me anë të një organizate joqeveritare me qendër në Kiev.