17-vjeçari që përplasi për vdekje dy turistët italianë dhe ngiste makinën pa patentë ka dhënë dëshminë e tij në lidhje më ngjarjen. Ai është shprehur se nuk është fajtor dhe se ka qenë në korsinë e tij kur ka ndodhur aksidenti fatal. “Isha në kahun tim të lëvizjes nga Saranda drejt Ksamilit, kur tek Hidrovori erdhi një motor dhe u përplas në xhamin e makinës. Ata mbanin shihe birre në duar. Kam shtypur frenat dhe më pas nuk mbaj mend sepse nga përplasja humba kontrollin. Nuk jam fajtor sepse isha në korsinë time”, deklaroi 17-vjeçari. Ekspertët në vendin e ngjarjes konstatuan se makina e adoleshentit ka devijuar korsine, duke u përplasur me motorin e turistëve, por ai pretendon të kundërtën. 17-vjecari nga qyteti i Sarandes, ka folur para hetuesve edhe për marrjen e makinës së babait edhe pse nuk dispononte akoma patentën. “Çelësat i kam marrë në shtëpi pa leje dhe shkova ne një restorant te Sarandes. Pas darkës u nisa me makinën e babait për në Ksamil, për të përcjellë shokun në shtëpinë e tij”, tha ai. Të njëjtës dëshmi në polici i ka qëndruar dhe shoku i tij, 16-vjecari që gjendej pasagjer në makinë. Ekspertet e Rrugores kane nxjerr fajtor 17-vjecarin, i cili pritet të njihet në gjykatë me akuzat shkelje e rregullave të qarkullimit me pasojë vdekjen dhe drejtimin e mjetit pa patentë.