Viti 2021 regjistroi një bilanc negativ për sa I përket numrit të viktimave të shkaktuara nga aksidentet rrugore. Shifrat flasin për më tepër se 170 viktima në harkun kohor të 12 muajve. Ndër faktorët kryesorë që ka ndikuar në numrin e lartë të tyre, padyshim mbetet shpejtësia e madhe. Ndër të tjera nuk ngelen pas as aksidentet nga parakalimet e gabuara apo drejtimi I mjetit në gjendje të dehur. Akset kryesore më të përgjakura përgjatë vitit, madje duke marrë shumë jetë njerëish janë Lezhë-Milot, Levan-Vlorë, Tiranë-Elbasan, por dhe shumë rrugë të tjera. Një nga aksidentet tragjike me pasojat më të rënda është ai I regjistruar në autostradën Levan-Vlorë, ku u shua një famije e tërë. Më 25 qershor, 4 anëtarë të familjes Gushi humbën jetën. Ata ishin duke udhëtur me utomjetin e tyre tip Toyota, kur u përplasën nga një Audi që drejtohej nga 22-vjeçari Igli Madani. Ky I fundit kreu një parakalim të gabuar, me një shpejtësi mbi 200 km/h dhe goditi në pjesën e pasme makinën që udhëtonte familja. Eduart Gushi,bashkëshortja e tij Silvana dhe dy vajzat e mitura, Anastasia dhe Eva mbetë viktima.