Kryeministri Edi e ka nisur ditën sot me disa foto nga projekti i Terminalit të Aeroportit Ndërkombëtar të Kukësit. Kreu i qeverisë tha se për këtë projekt vijon puna, ndërsa shtoi se vitin që vjen në këtë aeroport do të ulet avioni ‘Migjeni’. Sipas Ramës, ky aeroport do të presë pasagjerë vitin e ardhshëm, të cilët do të përzgjidhen mes atyre miqve të faqes së tij në facebook. Rama thotë se do të përzgjidhen ata pasagjerë, të cilët e kanë përqeshur më shumë këtë projekt dhe s’kanë lënë gjë pa thënë nga Londra. Aeroporti i Kukësit do të mundësojë fluturime me kosto të ulët, ndërsa do të sjellë një erë të re zhvillimi për të gjithë zonën. Ai shihet edhe si një gjenerator i mijëra vendeve të reja të punës që do të hapen vit pas viti si rezultat i zhvillimit të biznesit dhe ekonomisë lokale.