Këtë mes nëntori numri i njerëzve mbi Tokë e ka kaluar shifrën rekord prej tetë miliardë vetësh, duke shënuar një rritje me një miliard tjetër brenda pak më shumë se një dhjetëvjeçari. "Rritja e popullsisë së botësështë një histori suksesi që ia vlen të tregohet,” thotë Sara Hertog, eksperte për popullsinë tek Kombet e Bashkuara (KB) në Nju Jork. Që prej vitit 1950, mesatarja e jetëgjatësisë është rritur me 25 vjet. Njëkohësisht ka rënë niveli i lindjeve, shoqëruar me akses më të mirë tek kujdesi shëndetësor dhe planifikimi familjar, si dhe me mundësi më të mëdha arsimimi për vajzat dhe gratë. Por ky sukses ka çmimin e vet: çdo njeri i vetëm që i shtohet botës rëndon më shumë burimet e limituata biologjike të planetit. Në një raport aktual të OKB, rritja e popullsisë cilësohet si një nga arsyet kryesore për shkatërrimin e mjedisit dhe shtimin e emetimeve të dioksidit të karbonit.