E vendosur mes Rumanisë dhe Ukrainës, Moldavia, me një popullsi prej 2.6 milionë banorësh, ka pranuar tashmë 400,000 refugjatë ukrainas. Por tashmë vendi ndodhet në alarm nga frika se mos pushtohet nga Rusia ndërsa sulmet “terroriste” në kufirin e saj me Rusinë përshkallëzohen. Sulmet, për të cilat askush nuk ka marrë përgjegjësi deri më tani po ndodhin në territorin e Transnistria-s , një rajon prej 500,000 banorësh që është shkëputur pas shpërbërjes së Bashkimit Sovjetik dhe është plotësisht i varur nga Moska. Rusia edne mban atje një forcë ushtarake prej 1500 vetësh. Presidentja e vendit, Maia Santou thirri një takim urgjent të Këshillit të Sigurisë Kombëtare të vendit të saj pasi autoritetet moldave druhen se Rusia mund të përshkallëzojë, sulmet provokuese” në mënyrë që të ketë një justifikim për të ndërhyrë në rajon. Po ashtu, edhe Ministria e Jashtme ukrainase ka shprehur shqetësimet lidhur me situatën në rajonin pro-rus në Moldavisë, duke thënë se thënë se Moska po mundohet të nxisë një tjetër luftë në rajon Kievi thotë se ka përgjuar prej javësh deklarata të komandatëve ushtarake ruse për të pushtuar të gjithë rajonin jugor të Ukrainës dhe për të krijuar një korridor tokësor për në Moldavi. Rusia përdori taktika të ngjashme kur pushtoi Ukrainëm. Tw hënën mbrëma një sërë shpërthimesh u raportuan në Transnistria.