Në Evropë vazhdon debati mbi çështjen e dhënies së vizave turistike për shtetasit rusë. Vendet anëtare të BE-së nuk kanë gjetur gjuhën e përbashkët lidhur me këtë çështje, e rikthyer në diskutim për shkak të pushtimit rus të Ukrainës. Ndërsa qytetarët evropianë kanë gjetur dakordësinë dhe shprehen se vizat nuk duhen dhënë për sa kohë qytetarët rusë nuk dënojnë luftën dhe institucionet nuk po ecin në të njëjtin drejtim. Pak ditë më parë, kancelari gjerman Olaf Scholz deklaroi se, luftën në Ukrainë po e bën presidenti rus Putin dhe jo populli rus, ndaj shteti i tij do të vijojë të ofrojë viza turistike.