Kryetarja e Gjykatës Speciale, Ekaterina Trendafilova deklaroi se nuk pret që administrata e re e Shteteve të Bashkuara të Amerikës të ndikojë në punën e kësaj gjykate. Pas fitores së Donald Trump në zgjedhjet presidenciale të Shteteve të Bashkuara të Amerikës, Trendafilova tha se “askush, asnjëherë, nuk ka provuar të ndërhyjë në punën tonë”. Ajo theksoi se fundi i Dhomave të Specializuara në Hagë do të ndodhë vetëm kur rastet të përmbyllen. Ne nuk jemi një entitet politik. Ne jemi një gjykatë dhe asnjëri prej nesh nuk është përfshirë, në asnjë lloj forme në asnjë vendim që lidhet me ngritjen e Dhomave të Specializuara. Aktualisht mbështetësin tanë më të mëdhenj janë vendet e Bashkimit Europian. Kemi vende që na mbështesin, mes tyre edhe SHBA. Askush, asnjëherë nuk është përpjekur që të ndërhyjë në punën tonë. Nuk besoj që SHBA do të ndërhyjë për të mbyllur Dhomat e Specializuara pa u mbyllur të gjitha hetimet dhe proceset. Trendafilova justifikoi edhe procesin e tejzgjatur gjyqësor ndaj Hashim Thaçit dhe të tjerëve.