Pedofilia në vendin tonë cdo ditë e më shumë po kthehet në një problem madhor. Të shpeshta janë rastet e kallëzimeve të kësaj natyre në polici. Edhe pse gjendja rëndohet cdo ditë e më shumë dhe të tillë persona nuk ndrëgjegjësohen, qeveria nuk ka marrë ndonjë vendim me dorë të hekurt për këta autorë. Rreth 98 pedofilë janë të dënuar në vendin tonë me vendim të formës së prerë. Mirëpo, një nismë e 22 mijë qytetarëve në vend, mesa duket pritet të realizojë një ndryshim madhor në jetën e të gjithë qytetarëve, e sidomos të atyre që kanë përjetur një gjë të tillë, apo të të afërmve të këtyre të fundit. 22 mijë qytetarë morën inciativën për të krijuar Regjistrin Kombëtar të Autorëve të Veprave Penale Seksuale. Ky proejektligj ka si qëllim monitorimin e autorëve të veprave penale me natyrë seksuale, të cilët janë dënuar me vendim të formës së prerë, që të parandalohen të punësohen në ambiente me fëmijë, të ndiqen penalisht për për krime që mund të kryejnë në të ardhmen etj. Aktivistja Iirs Luarasi ndërsa u pyet në lidhje me këtën cështje u shpreh se Komisioni për Sigurinë Kombëtare miratoi në parim këtë projektligj, gjë që është një ngjarje e madhe.