Kryetari i Bashkisë së Tiranë Erion Veliaj, mori pjesë në homazhet në Varrezat e Dëshmorëve për 82-vjetorin e Konferencës së Pezës. Ndërsa ka cituar Konferencën e Pezës, Veliaj tha se kur shqiptarët bëhen bashkë, bëjnë gjëra të mrekullueshme. “Falenderime për të gjithë ata që u mblodhën bashkë para 82 vitesh me vizionin se kur shqiptarët bëhen bashkë, bëjnë gjëra të mrekullueshme. Ashtu siç thoshte Konferenca e Pezës, përtej çdo dallimi, përtej çdo krahine, përtej çdo feje, përtej çdo ideje, jemi shqiptarë, jemi bashkë dhe kur bashkëpunojmë ne bëjmë gjëra të mrekullueshme. Jam shumë krenar që, jemi këtu sot së bashku me qytetarët, familjet e dëshmorëve, familjet e veteranëve dhe të gjitha familjet e të rënëve” Teksa u ndal në një mesazh ndaj opozitës, Veliaj bëri një apel për bashkim, duke lënë pas ndasitë politike.