Kjo e mërkurë shënon ditën kombëtate të Rinisë. Që prej vitit 2009, me vendim të kuvendit të shqipërisë, kjo ditë përkujton festën kombëtare në nderim të të gjithë studentëve të dhjetioruit të vitit 1990 dhge gjitjhë rinisë shqiptare. Në këtë datë, një grup studentësh dhe pedagogësh të universiteteve të Tiranës u bënë iniciatorë të protestave paqësore që sollën rënien e komunizmit dhe lindjen e demokracisë në vend. Shprehja që karakterizoi këtë lëvizje ishte: “E duam Shqipërinë si gjithë Europa”. Me këtë shprehje u synua ngritja e vlerave perëndimore dhe integrimi me vendet e tjera, pa harruar edhe garantimin e pluralizmit politik në Shqipëri. Akti i tyre publik, i dha fund në mënyrë paqësore epokës të gjatë të vetëizolimit dhe të sundimit ideologjik, duke i hapur kështu rrugën e ekonomisë së tregut dhe shoqërisë së hapur. Vlerat e kësaj dite bëhen gjithnjë e më shumë vlera kombëtare, sepse ndryshe nga ngjarjet e tjera 8 dhjetori nuk pati dy palë, një fituese dhe një të humbur.