6 viktima janë shënuar në 24 orët e fundit në vendin tonë. Një qytetar nga Vlora 55 vjeç, dy qytetarë nga Durrësi të moshave 65-67 vjeç, një qytetar nga Elbasani 67 vjeç, një qytetar nga Berati 70 vjeç dhe një qytetar nga Tirana 81 vjeç nuk fituan betejën me virusin e rrezikshëm. Ministria e shëndetësisë ka bërë me dije se po gjatë 24 orëve të fundit janë regjistruar 138 raste të reja nga 1 mijë e 836 testime të kreyra. Tirana vijon të jetë qarku më i infektuar me 51 raste të reja, e ndjekur nga Fieri me 18 raste, Beratime 12 raste, dhe më pak raste janë regjistruar në qarqet e tjera. Në njoftimin zyrtar bëhet me dije se janë shëruar 189 qytetarë, duke e çuar numrin e të shëruarve në 195,436 që nga fillimi i epidemisë. Aktualisht në spitalet COVID po marrin trajtim mjekësorë të specializuar 147 pacientë, nga të cilët 15 janë në gjendje më të rënduar. Ndërkohë në të gjithë vendin 5 mijë e 349 qytetarë janë aktivë me koronavirus në të gjithë vendin.