Një 23 vjecare në Itali është nxjerrë nga spitali pasi kishte marrë gjashtë doza të vaksinës së Pfizer, gabimisht. Studentja ëhstë në gjendje të mirë pasi ka marrë vaksinën dhe ka përdorur vetëm paracetamol pas injeksionit. Në vend që ti injektonte vetëm një dozë në krah, studentes, një infermiere në spitalin Noa në Toskana, gabimisht i injektoi të gjithë shishen, që mban ekuivalenten e gjashtë dozave. Infermierja e kuptoi menjëherë gabimin dhe njoftoi pacienten por edhe një mjek. Vajza u mbajt nën vëzhgim në spital për 24 orë por mjekët konfirmuan se ajo nuk kishte manifestuar efekte anësore për shkak të dozës së madhe. Një zëdhënëse e spitalit tha se mjekët do të vazhdonin të monitoronin reagimin imunitar të pacientes. Ata do të marrin kampionë gjaku rregullisht dhe do të përcaktojnë nëse ajo do të marrë një dozë të dytë vaksine në vijim apo jo. Vajza ishte klasifikuar për vaksinim para të tjerëve në grupin e saj të moshës, pasi ishte një praktikante në departamentin e psikologjisë në spital. Në fillim të prillit, vaksinat u bënë të detyrueshme për të gjithë punonjësit e shëndetësisë në itali. Studime të mëparshme për të testuar overdozat e vaksinës së pfizerit kanë qenë të kufizuara në vetëm katër doza.