Që prej fillimit të pandemisë e deri më tani janë shënuar 58 humbje jete, një bilanc i shtuar sidomos në tre javët e fundit të muajit qershor. Vetëm në harkun kohor të 24 orëve të fundit kanë humbur jetën dy pacientë, një 78 vjecare nga Tirana dhe një 83 vjecar nga Durrësi. Në 24 orët e fundit, referuar shërbimit infektiv, një paciente 78 vjeçare nga Tirana, e transferuar nga një spital jopublik, ka ndërruar jetë në spitalin infektiv, megjithë trajtimin intensiv në reanimacion dhe një pacient 83 vjeçar nga Durrësi, në terapi intensive, i cili vuante nga hipertensioni. Për të katërtën javë të vijimit të epidemisë vazhdon një situatë serioze e rasteve të konfirmuara pozitive me Covid 19 dhe e rasteve që kanë kërkuar shtrim në spital apo terapi intensive. Të gjithë këta indikatorë tregojnë që virusi po vijon me të njëjtin intensitet dhe po paraqet raste me shenja klinike.