Jimi Hendrix u bë i famshëm në londër duke shpërthyer në skenën muzikore të viteve 1960 me performancat e tij mahnitëse në kitarë, para se të ndahej nga jeta, 50 vite më parë, kur ishte vetëm 27 vjec. Apartamenti i tij, në 23 Brook Street, në zonën e Mayfair, në qendër të londrës, është tani një muze dhe përvec trashëgimisë së tij muzikore është edhe një nga kujtesat e jetës së tij në qytet. Kitaristi legjendar, i famshëm për këngë si Hey Joe, Purple Haze dhe koverin e tij të këngëve të bob dylan, All Along the Ëotchtoëer, jetoi në këtë adresë nga viti 1968 deri në 1969. Ai e konsideronte atë shtëpinë e parë të vërtetë të tij. Edhe tani, ajo konsiderohet rezidenca e vetme e njohur e kantautorit të lindur në seattle. Më shumë se dy shekuj më parë, një tjetër gjeni i muzikës jetonte në shtëpinë me numër 25; Handel. Por në atë kohë, një pllakatë në nder të kompozitorit gjerman të erës baroke ishte vendosur mes dy ndërtesave, cka e kishte bërë Hendrix të besonte se ai jetonte në të njëtën shtëpi. Në një pikë, Hendrix madje kishte menduar edhe se kishte parë fantazmën e Handelit në pasqyrë. Hendrix, jetoi në apartament me të dashurën e tij asokohe. Ashtu si Rolling Stones dhe The Beatles, Hendrix është sinonim i londrës së viteve 60 dhe tani konsiderohet një nga artistët me më shumë ndikim në shekullin e 20. Pamjet: AFP