Një shqiptar i shpallur në kërkim nga Drejtësia Italiane u kap në pikën kufitare të Kakavijës, teksa tentoi të kalonte në Greqi. Shqiptari sapo ka dorëzuar pasaportën është shfaqur në sistemin e personave që kërkohen dhe menjëherë është arrestuar. 35 vjeçari shqiptar me inicialet T.O. rezulton i dënuar me 5 vite heqje lirie në Itali dhe me një gjobë financiare prej 50 mijë euro. Ai akuzohet për trafikim të sasive të mëdha të drogës drejt Italisë. Policia greke bëri shoqërimin e tij drejt Janinës në pritje të ekstradimit të tij drejt Italisë. Ndërkohë, Policia bën të ditur se edhe të shtunën ka pasur një tjetër arrestim për një person që doli në sistemin e të kërkuarve. Por për të nuk u mor masa e arrestit në flagrancë, pasi vepra penale e tij, sipas legjislacionin grek ishte shuar. Ai kishte kryer një kalim të paligjshëm të kufirit shumë vite më parë, vepër penale, e cila me kalimin e viteve ishte shuar për shkak se nuk kishte pasur tentativa të tjera si përsëritës në këtë vepër penale.