Gjykata Kushtetuese e Tajlandës shkarkoi nga detyra kryeministren e vendit. Paneli me 9 anëtarë vendosi që Paetongtarn Shinauatra ka shkelur standardet etike në një telefonatë që pati në qershor me udhëheqësin veteran të Kamboxhias, Hun Sen. Në bisedë, Shinauatra dëgjohet duke i dhënë të drejtë Hun Sen për mosmarrëveshjet kufitare të mes dy vendeve të tyre dhe duke kritikuar një nga komandantët e saj të ushtrisë. Ajo e mbrojti bisedën e saj duke thënë se ishte përpjekur të bënte një përparim diplomatik me Kamboxhian dhe me një mik të vjetër të babait të saj, Thaksin Shinauatra dhe tha se biseda duhej të kishte mbetur konfidenciale. Rrjedhja e informacionit ishte dëmtuese dhe thellësisht e sikletshme për të dhe partinë e saj. Kjo shkaktoi thirrje që ajo të jepte dorëheqjen, ndërsa partneri i saj më i madh i koalicionit doli nga qeveria, duke e lënë atë me një shumicë të vogël. Në korrik, shtatë nga nëntë gjyqtarët e gjykatës votuan për të pezulluar kryeministren, një diferencë që sugjeronte se ajo do të vuante të njëjtin fat si katër paraardhësit e saj në këtë detyrë, duke u bërë kryeministrja e pestë që shkarkohet nga kjo gjykatë.