Tërmetet shkatërruese në kufirin turko-sirian, vecse kanë shkaktur mijëra viktima, dëmet materiale po ashtu janë kolosale. Mijëra ndërtesa e objekte u shkatërruan nga dz tërmete e forta në Siri e Turqi, por edhe nga pasgoitjet. Agjencia e Organizatës së Kombeve të Bashkuara për refugjatët thotë se rreth 5.3 milionë qytetarë në Siri mund të kenë mbetur të pastrehë si pasojë e tërmetit që goditi vendin. Shifra u bë me dije nga Sivanka Dhanapala, përfaqësuesja e Komisionerit të Lartë të Kombeve të Bashkuara për Refugjatët për Sirinë. Ajo tha se ky vlerësim ishte paraprak, duke marrë parasysh të gjithë njerëzit e prekur nga tërmeti që kishin nevojë për t’u strehuar. “Ky është një numër i madh dhe vjen te një popullsi që tashmë po vuan zhvendosje masive,” tha ajo. Agjencia e OKB-së është përqendruar në shpërndarjen e tendave, çadrave, çarçafëve termale, dyshekëve dhe veshjeve dimërore për qytetarët e prekur. u shpreh Dhanapala. Duke folur për Sirinë veri-perëndimore, e cila kontrollohet pjesërisht nga forcat rebele, ajo tha se marrja e ndihmës në atë zonë ka qenë shumë e vështirë.