Pas takimit me numrin 2 të sekretarit të Shtetit Antony Blinken në Tiranë, vizitë kjo e para që zhvillohet nga ai në Tiranë, kryeministri Edi Rama udhëton drejt Gjermanisë. Numri një i qeverisë shqiptare merr pjesë në Konferencën e Sigursë në Mynih, aktivitet ky ndër më të rëndësishmit, për shkak të situatës në të cilën ndodhet bota, me vatra lufte të hapura. Në këtë konferencë njëherësh marrin pjesë Sekretari Amerikan I Shtetit, I cili pas vizitës në Tiranë u nis drejt Gjermanisë për t’iu bashkuar punimeve të Konferencës. E quajtur “Davosi i Mbrojtjes”, Konferenca e Sigurisë së Mynihut do të mbledhë rreth 60 krerë shtetesh dhe mbi 85 zyrtarë qeveritarë në qytetin bavarez për të diskutuar çështjet aktuale dhe të ardhshme të sigurisë globale. Lufta në Rripin e Gazës, konfliktet në zgjerim në Lindjen e Mesme apo edhe lufta në Ukrainë, do të jenë në qendër të këtij takimi, teksa i pranishëm do të jetë edhe vetë presidenti ukrainas Volodymyr Zelensky.