Hetimet për zbardhjen e ngjarjes së rëndë me katër rusë të vdekur në një hotel në Qerret vijojnë me intensitet. Pistat janë të shumta. Tashmë nuk ka më një variant, sipas të cilit asfiksia mund të ketë qenë shkak për vdekjen, as helmimi nga ushqimi që mund të kishin konsumuar. Kthesa e hetimeve erdhi nga Prokuroria e Kavajës, e cila e cilësoi krimin si vrasje dhe jo vdekje aksidentale. Por nga ana tjetër të gjitha pikëpyetjet nuk marrin përgjigje pa ndërhyrjen e shërbimeve inteligjente të ushtrisë, e cila të hënën ka marrë vendimin për të kryer një ekspertiment në ambientet e saunës në hotel “Gloria” në qerret ku u gjetën pa jetë 4 rusët. Një prej mënyra të ekspertimentit, sikurse bëjnë me dije burimet do të jetë mbushja e hollit të saunës me avuj me përmbajtje klori si dhe dioksid karboni. Këto dy elementë dyshohet se shkaktuan vdekjen e katër rusëve, por ende mjekësia ligjore shqiptare nuk përcaktoi se kush ishte agjenti kimik që solli asfiksinë e tyre. Në dosjen e regjistruar si vrasje nga prokuroria e Kavajës viktimat janë Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç dhe Ekaterina Burenkova 31 vjeçe. Të pranishëm në këtë eksperiment hetimorë pritet të jenë edhe përfaqësueset e ambasadës ruse të cilët i janë bashkuar hetimit dypalësh.