Katër persona kanë humbur jetën 24 orët e fundit në Shqipëri, duke e çuar në 1265 numrin e vdekjeve nga COVID në vendin tonë që nga fillimi i pandemisë. "Fatkeqësisht me gjithë përpjekjet e mjekëve 4 qytetarë nuk e kanë fituar betejën me COVID19: 3 qytetarë nga Tirana, 1 qytetar nga Gjirokastra, të moshave 52-80 vjeç", njofton ministria e shendetesise. Autoritetet njoftuan se janë kryer 3530 testime dhe kanë rezultuar pozitivë 641 qytetarë. Rastet pozitive të konfirmuara janë identifikuar vetem ne Tirane 182 raste, per te vijuar me 50 raste në Durrës, 38 raste në Vlorë, 35 raste në Shkodër, 29 raste në Kavajë dhe me pak raste ne bashkite e tjera te vendit. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.