Ministria e Shëndetësisë dhe Mbrojtjes Sociale ka njoftuar se gjatë 24 orëve të fundit janë testuar pozitivë 302 persona dhe se fatkeqësisht betejën me virusin e kanë humbur katër qytetarë, një 77 vjeçar dhe një 80 vjeçare nga Tirana, një 80 vjeçar nga Fier, një 82 vjeçar nga Durrësi. Aktualisht behet e ditur se në spitalin Infektiv dhe “Shefqet Ndroqi” po trajtohen 264 pacientë, 11 në terapi intensive nga të cilët 5 pacientë janë të intubuar. Kështu numri total i infektimeve që nga fillimi i pandemisë ka shkuar në 18858, ndërsa ai i viktimave në 473. Numri i të shëruarve vijon të rritet ndjeshëm dhe tashmë ka shkuar në 10548. Sa i përket rasteve aktive numri i tyre momentalisht është 7837. Ministria e Shëndetësisë dhe Mbrojtjes Sociale ju bën apel qytetarëve të respektojnë masat antiCOVID me qëllim parandalimin e infeksionit. Vendoseni maskën kudo në ambientet jashtë shtëpisë, ruani distancën dhe kujdesuni për higjienën.