Ata kanë në duar katër armë të patestuara në fushëbetejë që mund të mbajnë nën fre rusinë nëse ajo bën përpara në Ukrainë, ose nëse forcat amerikane do të ndërhynin në emër të Kievit. E para, është raketa anti tank Javelin FGM-148. Është folur shumë për raketat javelin dhe ngarkesat e dërguara nga SHBA në Ukrainë, dhe ka një arsye për këtë: Raketa 30 vjecare me rreze të mesme veprimi, ishte projektuar në fakt të luftonte sovjetikët dhe formacionet e blinduara ruse që janë mbledhur pranë kufijve të ukrainës, janë shënjestra e duhur. Mes trupave që janë dislokuar aktualisht në evropë, Javelin do të ishte një sistem kyc armatimi. Tanku Dragoon i skuadronit të këmbësorisë Stryker, është një tjetër element i rëndësishëm. Në mes të viteve 2010, ushtria amerikane vendosi të rriste fuqinë e zjarrit të regjimentit të 2 të këmbësorisë me bazë në gjermani. Dhe si pasojë, tanket dhe mjetet e tjera të blinduara u pajisën me raketa javelin, për të përmirësuar kapacitetet e regjimentit. Tanku Stryker dragoon është i pajisur me një top 30 milimetërsh që do të sharronte mjetet e lehta të blinduara armike, përfshirë ato ruse.