Një pajisje që shërben për prodhimin e kriptomonedhave është sekuestruar nga autoritet doganore në Pikën e Kalimit Kufitar të Morinës. Një 33-vjeçar nga Maqedonia e Veriut është proceduar penalisht këtë të martë pasi në automjetin që ai drejtonte I janë gjetur edhe sasia prej 39 mijë eurosh të padeklaruara në kufi. Automjeti që 33-vjeçari drejtonte iu nënshtrua kontrollit të imtësishëm në kufi ku u gjet pajisja që shërben për prodhim kriptomonedhash dhe 39 mijë euro. Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në Drejtorinë Vendore të Kukësit, u procedua penalisht drejtuesi i mjetit për veprën penale "Mosdeklarimi i të hollave dhe i sendeve me vlerë në kufi", thuhet në njoftimin zyrtar të policisë.