“Nuk arrijmë ende të kuptojmë se si ky person mund të jetë zhvilluar gjatë fazës embrionale dhe as se si ka mundur të kapërcejë të gjitha sëmundjet e tij”... Ky është komenti i mjekëve të qendrës kombëtare të kërkimeve onkologjike në spanjë, në lidhje me rastin e një 36 vjecareje që i ka mbijetuar që nga lindja 12 tumoreve të ndryshme, prej të cilëve pesë vdekjeprurës të shkaktuar nga një përzierje mutacionesh gjenetike të trashëguara që deri më tani konsideroheshin fatalë. Bëhet fjalë pra për një rast të jashtëzakonshëm i cili është raportuar edhe në revistën Science Advances nga kërkuesit e qendrës spanjolle. Studimi i historisë së kësaj 36 vjecareje, hap rrugën për teknika të reja të diagnostikimit të parakohëshëm dhe terapive të reja për zgjimin e sistemit imunitar kundër kancerit. Pacientja që ka lënë me gojën hapur kërkuesit, e ka zhvilluar tumorin e parë që në fëmijëri dhe të tjerët kanë pasuar në distancë kohore prej një apo dy vitesh nga njëri tjetri. Ajo që ka shokuar më shumë mjekët janë pesë tumorët malinjë, të cilët u zhdukën me kalimin e kohës në mënyrë relativisht të lehtë.