Aeroporti Ndërkombëtar “Nënë Tereza” njoftoi se janë konfirmuar për ditën e nesërme 36 fluturime. Por kanë të drejtë të udhëtojnë vetëm ata që janë rezidentë në vendet e Bashkimit Europian, ose persona me dokumente të vendeve europiane, ose Amerikë e Kanada. Gjithashtu pasagjerët duhet të kontaktojnë kompanitë ajrore përpara çdo udhëtimi dhe shtetet pritëse për rregullat e karantinës dhe të respektojnë protokollet e higjenës, ku maskat janë një detyrim për të gjithë ata që mendojnë të ndërmarrin një fluturim. Sot fluturimet nga Rinasi janë planifikuar për në Beograd, Hamburg, Milano, Firence, Bari, por edhe cartera me turistë në Pononi. Linja ka edhe me Stambollin, Brukselin e Bolonjën. Të tjera qytete janë planifikuar në udhëtime ajrore, mes të cilave edhe carter drejt Ukrainës, apo edhe linja direkte dhe kthim nga Vjena, Berlini, Roma, Verona e Budapesti. Ndërkohë, autoritetet e Rinasit u bëjnë thirrje pasagjerëve të kontaktojnë kompanitë ajrore përpara çdo udhëtimi dhe shtetet pritëse për rregullat e karantinës.⠀