Top News – 3 vite pritje për një Bayraktar /Droni legjendar turk, më i kërkuari nga ushtritë e botës

Prodhuesi turk i dronëve që ka furnizuar me mjetet e telekomanduara ajrore Ukrainën në përpjekjen e saj për tu mbrojtur përballë pushtimit rus, thotë se kërkesa është rritur deri në atë pikë sa që kompania ka një listë pritjeje që zgjat tre vjet. Haluk Bayraktar, presidenti i kompanisë turke të mbrojtjes Baykar, tha në një intervistë se kompania aktualisht ka kapacitet prodhimi për 20 dronë Bayraktar TB2 në muaj, por do që ta rrisë këtë kapacitet me një fabrikë të re në ukrainë që ajo pranoi ta ndërtonte vitin e kaluar. “Ne e shohim Ukrainën si partnerin tonë strategjik”, tha Bayraktar duke shtuar se kompania ka nisur ndërkohë punën për ndërtimin e fabrikës në ukrainë.