2106 gjoba jane vene gjate fundjaves nga policia, për shkelje të masave anticovid. Policia i bën thirrje të gjithë qytetarëve që të zbatojnë masat anticovid dhe të mos dalin nga banesat e tyre pas orës 22:00 deri në orën 06:00. Sipas njoftimit te policise behet e ditur se nder masat administrative te aplikuara, 2005 jane masa për mosvendosjen e maskës mbrojtëse, individe keta qe jane ndëshkuar me masën administrative 3.000 lekë secili, 7 masa për shkeljen e vetëkarantinimit të detyrueshëm, të cilët janë ndëshkuar me masë administrative 700.000 lekë secili, 9 masa për subjektet që nuk kanë respektuar protokollet e sigurisë dhe orarin e mbylljes, secili prej subjekteve është ndëshkuar me masën administrative 1.000.000 lekë, si dhe 85 masa për këmbësorët që janë konstatuar duke lëvizur pas orës 22:00. Gjatë kontrolleve në fundjavë janë shoqëruar në ambientet e Policisë në të gjithë vendin, 21 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.