Pas vendimit të këshillit europian të pagesave për të pranuar Shqipërinë në SEPA, parashikohet që duke filluar nga muaji tetor qytetarët dhe bizneset shqiptare të mund të kryejnë transaksione SEPA. Guvernatori Gent Sejko shpalosi përfitimet që vijnë për Shqipërinë. Sinkron Sejko: “Komisionet për kryerjen e transaksioneve SEPA pritet të jenë ndjeshëm më të ulëta sesa ato aktuale. Vlerësojmë se vetëm nga ulja e komisioneve, kryerja e transaksioneve nëpërmjet skemave SEPA do t’u kursejë agjentëve ekonomikë rreth 20 milionë euro në vitin e parë. Bankat vendase janë angazhuar maksimalisht për plotësimin e kritereve teknike dhe ligjore, ku duhet të them, disa prej tyre kërkojnë investime të konsiderueshme financiare. Megjithatë, mbetemi besimplotë se qytetarët dhe bizneset shqiptare do të mund të kryejnë transaksione SEPA duke nisur nga muaji tetor.”