Hakmarrja e ashpër mes bandave kriminale në vend, ka shtyrë personat që janë në hasmëri të paguajnë shuma të majme, vetëm për të eliminuar rivalin e tyre. 2 milion euro, është shuma më e lartë që i është ofruar Nuredin Dumanit për të eliminuar Erjon Alibejn. Vrasja e porositur për këtë të fundit, kapërcente cdo nivel të të bërit atentat, të paktën këtu në vendin tonë. Sipas Dumanit, Kel Kamami i kishtë kërkuar atij ti vendoste tritol të gjithë pallatit ku banonte Alibej, ndërsa qëllimi ishte vetëm të vriste këtë të fundit. Pra për të vrarë një person të vetëm, Kamami nuk ka marrë parasysh vdekjen e të gjithë banorëve të pallatit. Përpara hetuesve të Byrosë Kombëtare të Hetimit, D umani ka deklaruar se ai mbante kontakte me dy grupet më të fuqishme kriminale në Elbasan, me grupin e Erjon Alibejt dhe Hajdar Bakos. Ky i fundit ka thënë se çdo informacion apo plan që merrte për vrasjen e anëtarëve të grupit të Alibejt, ai ja përcillte Arjan Spahisë, kuntatit të Erjon Alibejt.