Shkak për vdekjen e 16-vjeçares shqiptare në Trikala, sipas raportit mjekoligjor të publikuar mesditën e kësaj të premteje është “lëndime të rënda të kafkës dhe gjoksit” si pasojë e rënies nga lartësia. Kryerja e autopsisë i jep fund dyshimeve nëse shqiptarja Maria Hyseni është vrarë nga persona të tjera, por gjithsesi policia po heton për të zbuluar se me kë është takuar vajza para ngjarjes apo me këtë ka folur në telefon.