15-vjetori i vrasjes së katër protestuesve para Kryeministrisë e gjen këtë ngjarje sërish nën hetim, këtë herë nga Prokuroria e Posaçme, që pas vendimit të Gjykatës së Lartë dhe një vendimit të Gjykatës së Strasburgut rihapi dosjen duke marrë në pyetje disa protagonist të tragjedisë, ku mbetën të vrarë Aleks Nika, Ziver Veizi, Faik Myrtaj dhe Hekuran Deda. SPAK nisi zyrtarisht hetimet në korrik të vitit të kaluar, pasi Gjykata e Strasburgut e konsideroi ngjarjen një krim shtetëror. Të kallëzuar në këtë dosje janë Sali Berisha, ish kryeministër, Lulzim Basha, ish ministër i Brendshëm dhe kreu i Gardës së Republikës në atë kohë, Ndrea Prendi. Kryeministri Edi Rama e ka kujtuar “21 janarin” përmes një postim në rrjetet sociale ku shkruan se edhe 15 vite pas asaj që e quan krim shtetëror, katër viktimat nuk gjejnë dot paqe pasi drejtësia nuk është vënë në vend. “Katër të vrarë ende nuk prehen dot në paqe dhe drejtësia i ngjan një breshke që lutet për harresë, me bindjen që sado të vonojë drejtësia për 21 janarin nuk do të harrojë, ju uroj të gjithëve një ditë të mbarë”, shkruan Rama.