Dy prindër të lodhur nga prapësitë e të bijës, kanë vendosur ti japin aasaj një mësim. Ata e kanë lënë vajzën adoleshente e telashexhie në një ishull të shkretë, për ti dhënë një mësim për mënyrën se si mund të përballohen vështirësitë. 13 vjecarja, raportohet se u gjet nga peshkatarët në një ishull pranë brigjeve të provincës kineze Shandong, pasi mamaja dhe i ati e kishin dërguar atje. Mediat kineze gjerësisht e kanë raportuar rastin shokues dhe nënvizojnë se adoleshentja kishte lënë më herët shkollën dhe qëndronte në dhomën e saj gjithë ditën. Duke patur frikë se ajo po conte dëm të ardhmen e saj, prindërit kishin vendosur se ishte koha për masa drastike. Dhe kjo masë drastike, ishte dërgimi i saj në një ishull të shkretë, ku ajo shoqërohej nga një ekspert mbijetese. Por pas dy ditësh, vajza i kishte kërkuar ndihmë disa peshkatarëve, që më pas kishin thirrur policinë. Kur policët kishin mbërritur, adoleshentja u tha atyre se nuk mundej më. “Ata më detyruan mua të mbijetoja në një ishull të shkretë. Kisha vetëm ujë dhe biskota”, tregoi ajo. Policia më pas urdhëroi prindërit ta merrnin vajzën e tyre në shtëpi.