Rikthehen humbjet e jetës nga koronavirusi, ndërkohë, që sipas të dhënave të ministrisë së shëndetësisë, viktimat kanë pasur sëmundje bashkëshoqëruese. Në harkun kohor të 24 orëve të fundit janë shënuar 124 raste të reja dhe tre viktima, ndërsa 70 persona e kanë fituar betejën me virusin e rrezikshëm. Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, 3 qytetarë, një 71 vjeçar nga Divjaka, një 79 vjeçar nga Korça, një 83 vjeçar nga Gramshi me sëmundje bashkëshoqëruese. Vijojnë testimet dhe gjurmimi i rasteve të dyshuara në të gjithë vendin. Në 24 orët e fundit janë kryer 808 testime dhe janë konfirmuar 124 të prekur me virusin SARSCOV2. 70 qytetarë rezultojnë të shëruar në 24 orët e fundit, duke e çuar në 7309 numrin e personave që e kanë mundur COVID-19. Aktualisht në spitalin Infektiv dhe “Shefqet Ndroqi” po trajtohen 178 pacientë, 18 në terapi intensive nga të cilët vetëm 6 pacient janë të intubuar. Nisur nga rastet e shumta të paraqitjes për mjekime në qendrën spitalore universitare Ministria e Shëndetësisë dhe Mbrojtjes Sociale u shpreh ngushëllimet familjarëve, u bën një thirrje të gjithë prindërve.