11 shtetas kanë rënë në prangat e policisë së Tiranës, për shkak se janë kapur në flagrancë duke organizuar lojëra në kundërshtim me ligjin, në një lokal në rrugën ‘Andon Zako Çajupi’. Bëhet fjalë për shtetasit Eglantin Fejzaj, Nikolin Prenga, Fatmir Rumani, Arbjon Toçilla, Marjan Ndoj, Henrik Bruka, Romario Kodra, Erjola Vllahu dhe Cen Mehmetaj. Në mesin e të arrestuarve janeë dhe djali i biznesmenit të akuzuar nga opozita Ymer Lala, Ylard Lala si dhe nipi i deputetit demokrat Flamur Noka, Rexhep Noka. Këto shtetas akuzohen për veprën penale organizimi ose ushtrimi i veprimtarive të lojërave të fatit në kundërshtim me ligjin, në një lokal në administrim nga Ylard Lala. Ndërkohë bëhet me dije se janë proceduar në gjendje të lirë edhe shtatë shtetas të tjerë për moskallëzim krimi. Policia ka sekuestruar një tavolinë pokeri dhe çipsa, aparate celulare, dhe shuma të ndryshme parash të dyshuara të përfituara nga kjo veprimtari.