Partia Demokratike zyrtare ka denoncuar qeverinë se nuk ka arritur të krijojë kushtet e nevojshme për zhvillim ekonomik. Sipas deputetit demokrat Arbi Agalliu, norma e rritjes së çmimeve është shumë më e lartë sesa rritja e pagave, çka sjell pasiguri në treg, teksa nga ana tjetër shohin korrupsionin si problemin më të madh. Korrupsioni në administratën publike ka bërë që tregjet të deformohen duke mos lejuar konkurrencë por klientelizëm. Ai që punon ndershëm dhe paguan detyrimet ndaj shtetit rrezikon falimentin sepse përballet me atë që nuk paguan aspak sepse është i partisë apo e ka zgjidhur me shefin. Në zonat rurale dhe periferike po bëhet çdo ditë e më tepër e vështirë për të përballuar shpenzimet e ushqimit bazë. Kjo përkthehet në largim masiv duke bërë që Shqipëria të boshatiset gjithmon e më shumë. Sipas demokratëve po goditet edhe shtresa e mesme duke taksuar profesionet e lira e duke iu marr miliona euro, te cilat sipas tyre po shkojnë në duart e qeveritarëve.