Kanë kaluar 10 ditë që kur Gjykata Ndërkombëtare Penale shpalli Vladimir Putinin kriminel lufte dhe lëshoi një urdhër-arresti për të, me akuzën e dëbimit të mijëra fëmijëve nga Ukraina, që prej nisjes së pushtimit më 24 shkurt 2022. Menjëherë pas vendimit të GJNP-së, shumë vende që kanë firmosur Statutin e Romës për krijimin e kësaj gjykate, kanë mbajtur qëndrimin e tyre, teksa Gjermania, Austria, Kroacia, etj., kanë premtuar arrestimin në rast se Putin shkel në territorin e atyre vendeve.