Në Parkun kombëtar të Llogorasë ndërhyrja e ekipeve të emergjencave dhe efektivëve ka parandaluar djegjen e banesave aty pranë. Era e fortë dhe me drejtim nga jugu ka bërë që situata e zjarrit në malin e Karaburunit të përkeqësohet gjtë pasdites në pjesën mbi Gjirin e Gramës, duke bërë që flakët të shkonin në kufi me Llogoranë. Për neutralizimin e situatës kanë ndërhyrë 2 helikopterë, 2 zjarrfikëse dhe 48 ushtarë dhe zjarrfikës. “Në Llogara është rikthyer optimizmi falë erës në favor ndërsa një helikopteri tjetër po hedh ujë. 48 forca speciale dhe zjarrfikës po punojnë në majën e malit në kufi të Parkut të Llogarasë. Forcat tona po arrijnë të largojnë nga parku zjarrin”, shkruan rama në postimin e tij. Kryeministri Edi Rama dhe Ministri i Mbrojtjes, Niko Peleshi bënë thirrje për largimin e banorëve pasi rrezikohej vërtetë jeta e tyre. Mbi fshatin Dukat i Ri janë aktive tri vatra zjarri dhe nëse nuk ndërhyhet ato do përhapen me shpejtësi. “Ndërhyrje gjithashtu janë bërë edhe në Vithkuq (Korçë), në Mallakastër, në Tarabosh (Shkodër), Qerem (Tropojë), Kalise (Kukës), Mavropull (Delvinë)”, thote kreu I qeverisë në postimin e tij.