Punonjësi i Inspektoratit të Mbrojtjes së Territorit, Klajdi Zhilla I shpallur në kërkim për rastin e marrjes së 1 mijë eurove nga një biznes për të mos hequr tendën, u vetëdorëzua në polici. Inspektori akuzohet për veprat penale “Korrupsioni aktiv i personave që ushtrojnë funksione publike” dhe “Shpërdorimi i detyrës”, të kryera në bashkëpunim. Ai mësohet se u paraqit mbrëmjen e të premtes i shoqëruar nga avokati I tij mbrojtës. Në dëshminë paraprake, ai tha se nuk e dinte që ishte në kërkim dhe e ka mësuar nga mediat.