Shalsi: “Dakord jeni, mirë miratohet” 150 milionë lekë nga buxheti i shtetit do të jenë në dispozicion të partive politike për zgjedhjet e 11 majit, pra 20 milionë lekë më shumë sesa në zgjedhjet e 2021-it. Rritja e fondeve u argumentua nga kryetari i komisionit të ekonomisë, Eduard Shalsi me shpenzimet e shtuara të partive politike për shkak të shtrirjes së fushatës edhe në diasporë. Dhëmbi: Në zbatim të ligjit, partitë politike që kanë marrë jo më pak se 1% të votave në zgjedhjet pararendëse të të njëjtit lloj, përfitojnë një fond në bazë të numrit të votave që secila prej tyre ka marrë. Në zgjedhjet pararendëse, u akorduan 130 mln lekë. Shalsi: Në këto zgjedhje kemi një specifikë që nuk e kemi pasur në zgjedhjet e mëparshme, propozoj të rritet fond inga 1.3 në 1.5. Në këto zgjedhje partitë politike po shpenzojnë, kemi dhe diasporën. Shuma totale prej 150 milionë lekësh u miratua në komisionin e ekonomisë. Sipas kodit zgjedhor, fonde përfitojnë ato parti politike që kanë marrë jo më pak se 1 për qind të votave në shkallë vendi në zgjedhjet e 2021. Pra nuk përfitojnë partitë e reja politike, përfshirë edhe partinë ‘nisma thurrje’ pasi në zgjedhjet e fundit parlamentare kjo parti fitoi 0.65 për qind të votave.