Ndërsa rusia nisi pushtimin e saj, SHBA i dha forcave ukrainase të dhëna të detajuara inteligjence se kur dhe ku raketat dhe bombat ruse do të qëllonin, cka bëri që ukraina të largonte mbrojtjen ajrore dhe avionët nga zona e shënjestruar. Kjo është bërë e ditur nga zyrtarë amerikanë për NBC Neës. Ndarja e të dhënave të inteligjencës i krijoi po ashtu mundësinë Ukrainës të rrëzonte një avion rus transporti në të cilin gjendeshin qindra trupa, në ditët e para të luftës, thanë zyrtarët, cka sipas tyre ndihmoi në dështimin e një sulmi rus mbi një aeroport të rëndësishëm afër Kievit. Kjo ishte pjesë e asaj që zyrtarët amerikanë e kanë konsideruar një operacion masiv dhe të paprecedenttë të ndarjes së të dhënave të inteligjencës me një vend jo partner të NATO-s që ata thonë se ka luajtur një rol të rëndësishëm në suksesin e Ukrainës kundër ushtrisë ruse më të madhe dhe më të mirë-pajisur. Detajet për mbrojtjen ajrore dhe avionin transportues, që nuk janë raportuar më herët, nënvizojnë faktin përse për dy muaj luftë, zyrtarët vlerësojnë se të dhënat e inteligjencës nga agjencitë amerikane të spiunazhit dhe Pentagoni kanë qenë një ndihmë e madhe në zbrapsjen e përpjekjeve të rusisë për të marrë kontrollin e vendit.