Tregtarët pohojnë shtrenjtësinë por justifikohen me faktin se rritje ka pasur vetëm në kategorinë e prodhimeve të stinës, gjë që për ta konsiderohet normale. Shumë cmime janë rritur me 30-50 lekë. Kështu, nëse një kg mandarina pak ditë më parë shitej me 70 lekë, sot cmimi është 100 lekë. Shumë qytetarë i kanë lënë blerjet për tryezën e vitit të ri, për ditët e fundit. Ndërkohë që ka familje që kujdesen të blejnë vetëm produktet e domosdoshme pasi cmimet u rëndojnë jo pak. Jo të gjithë do të munden ti përballojnë këto cmime, vecanërisht pensionistët. Gjeli i detit mund të mungojë në shumë tavolina, pasi cmimi i tij është jo pak i kripur. Rritje cmimi kanë pësuar edhe frutat, zarzavatet ndërkohë pritet që cmimet vetëm të ngrihen edhe ditët e ardhshme. Në të gjithë vendin tashmë ka nisur shpërndarja e shpërblimit të fundvitit për pensionistët, në shumën 5 mijë lekë të reja, por ky shpërblim nuk do të mundet ta mbushë tryezën e fundvitit sidoqoftë.