Në përpjekjet e vazhdueshme për të luftuar krimin e organizuar dhe kalimin e paligjshëm të parave të drogës, agjencitë ligjzbatuese të Britanisë së Madhe dhe Shqipërisë po rrisin bashkëpunimin përmes përdorimit të teknologjive të avancuara. Sw fundmi autoritetet britanike i kanë dhuruar për Policinë shqiptare pajisje të specializuara, të cilat do të përdoren për të zbuluar para të fshehura në mjete transporti. Kjo nismw synon të luftojë grupet kriminale që përdorin furgonët dhe makinat private për të dërguar para në Shqipëri, të cilat shpesh lidhen me trafikun e drogës. Top Channel ka mësuar se kjo çështje që ka qenë pjesë e diskutimeve të vazhdueshme mes taskforcës së përbashkët të policive britanike dhe shqiptare. Taskforca ka për qëllim të luftojë krimin e organizuar dhe të zbulon aktivitetet ilegale që lidhen me pastrimin e parave dhe trafikun e drogës.