Zonja e parë e Brazilit, Janja Lula da Silva ka ofenduar publikisht pronarin e rrjetit X, Elon Musk gjatë një eventi informal të G20 në Brazil, teksa vendi pret samitin javën që vjen. Teksa fliste ajo duhet se u ndërpre nga sirena e një anijeje, çka e nxiti të ofendonte rëndë Elon Musk. Musk reagoi ndaj deklaratës në rrjetin e tij X duke vendosur simbole të qeshurash dhe komentin: “Ata do t’i humbasin zgjedhjet e ardhshme.” Incidenti vjen mes debatit për dezinformacionin në rrjetet sociale dhe censurimin e përmbajtjeve. Më herët presidenti i Brazilit ka kritikuar platformën e Musk për politikat e kontrollit të përmbajtjeve duke thënë se duhet të përdorë më shumë censurë ndaj dezinformacionit. “Nuk mund të lejojmë çdo patformë që minon demokracinë apo të drejtat e qytetarëve”-u shpreh ai. Komentet e bashkëshortes së tij sollën reagime nga figura të opozitës, përfshi dhe ish-presidentin e djathtë Jair Bolsonaro, që tha se komentet mund të shkaktojnë përplasje diplomatike me SHBA. Në tetor gjykata e lartë braziliane urdhëroi rivenodjsen e rrjetit X në vend pas një muaj ndalimi. Rrjeti i Musk u lejua në vend vetëm pasi hoqi disa përmbajtje, bllokoi disa llogari dhe emëroi përfaqësuesin ligjor në Brazil siç ishte kërkuar, shkruan rrjeti CNN.