Gjashtë të moshuar humbën jetën dhe dy të tjerë u plagosën rëndë kur një zjarr ra në shtëpinë e kujdesit në Valencia, në lindje të Spanjës. Dhjetë ambulanca shkuan në vendngjarje pas shpërthimit të zjarrit, teksa grupet e shpëtimit evakuan 71 persona. Zjarrrfikësat thanë se kur shkuan në vendngjarje zjarri kishte përfshirë tërësisht njërin krah të rezidencës. Kryebashkiakia Amparo Orts tha se zjarri kishte dëmtuar rëndë rezidencën dhe “nuk ishte e qartë nëse ajo do të vazhdonte të qëndronte hapur”. "Kemi shpallur tre ditë zie deri të premten dhe do të mbajmë një minutë heshtje në mesditë të mërkurën”, tha ajo.